بعثريني
بواسطة : عبدالرحمن جابر الرويلي
بتاريخ : 2015-06-02 17:54:30
بعثريني بالقصيد وترجمي احساسك
ابدعي يسعد مساءٍ مبتداه عيونك
المساء اليا حكيتي يطهر بانفاسك
لو له لسان يتكلم : قال انا ممنونك
انزفي حبر المحبـة خافقـي قرطاسك
من جنونك ياجنوني ابدعي بفنونك
هوجسي بي واجعليني ملهم لهوجاسك
ردديني ، واعزفيني والغرام لحونك
فكريبي وسوسيبي جعلني وسواسك
واستعيذي بالشعور الطاهر ومكنونك
ايه احبك ماعلي من اهلك ومن ناسك
بالخفوق اللي يحبك ماتخيب ظنونك !
ايه احبك واعشقك من راسك لكرياسك
وكل مافيني ينادي لك انا مجنوووونك
جعلني نومٍ يجيك ويفتخر بـنعاسك
يشعر بقيمة وجوده لا رقد في نونك
او يليت اني وسادة منتهاها راسك
احتوي كل التعب واشهد رقاد جفونك
ياضياعي لا لفيتي والتوى مياسك !
كن هذا الكون يمسي في عيوني كونك
الفراغ اللي ذبحني من على اقواسك !
( باملأه بآتي كفوفي ) وافتني مفتونك
ماحدٍ حاز بوصوفك من بنات اجناسك
للجمال بحد ذاته ! روحوا يشكوونك
حسنهم يبدو تجاري وحسنك انتي كلاسك !
بالحلا مالك وصيفة كلهمممم يتلونك
احرقي دم العذارى جرعيهم كاسـك !
حلقي فوق الثريا واتركيهم : دوووونك
شعر / عبدالرحمن جابر
الديوان بعثريني
al-d1.com