لو الشعر يقرى بالاعمار ماشفت
( شعري ينوخ شيبتگ ) وانت قاري !
ياراعي الفكرة... عسا ، ما تكلفت
كف الكلام ... ولا تزيد ... الهذاري !
العاطفة ! معطف بها لو تمعطفت !!
ثوب الحقيقه ! منه امسيت /عاري :)
وش عاد يعني لو بفكري ...تطرفت !
واخترت ..نهجٍ انتهجه ...... بخياري
مع الحقيقة والصراحة ... تحالفت !
وعن جنة اوهامگ انا اخترت ناري
انا عن (وجيه المصالح) .... تصوّفـت
وزهدت باصراري عن اهل المصاري !
سياسة التهميش عنها .. .. تقشفت
وقطرت في عينگ من ابداع ضاري
رقيت فـوق ! وطـرت فوقـگ .. ورفرفت
هنا .. هبوطگ صار امر اضطراري
حرٍ معا صيد السماين ...، توالفت !
جزل الجزايل في عيوني ... حباري
عانقت صمت الباب فگري .واشرفت
وسامرت ليلي لين .. صافح / نهاري
في صمتي ! الملعون .. ياما تكتفت !
ويضحگ علي البوح بلسان . زاري
ياما تجرعت الصبر لين ....ماعفـت
كل الوجيه اللي بوجه .. إستعاري !!
كم ليلةٍ فيها من الهم..( اف افت )
افيييييه وانفث عن ضلوعي .. غباري
امسك مع الهاجوس شفتٍ ورا شفت
واسج مع تالي هموم ..... وطواري !
من راس قمه حظنا .. منكفت كفت
هذي الحقيقة .. والمواري ....مواري !
فالمعذرة ياشعر لو اني ..... اسرفت
في بعض مما فيه ارد.... اعتباري
" بالمبتدأ" لا يخدعك كل ما اسلفت !
ترى "الخبر" ياتيك في رد نااااري
من طيب نفسي يومي اني تعففت
ولا انت تبطي ماتحرك .. وقاااري !