اربع جهاتك
بواسطة : عبدالرحمن جابر الرويلي
بتاريخ : 2015-06-02 17:49:15
تعالي مابقى بي حيل يا بنيّه !
نشف ريق القصيد وضاعت سنيني
ابد مانساك وعروقي ( رويليّه ) !
تفاصيل الوفا تسكن .. شراييني
تعالي ياهيام .. الشاعر و غيّه !
تعالي زيني مجمل .. عناويني
تعب صوت الشعر يهتف لماضيّه !
على ذكرى الرحيل اللي تأذيتي
ابي اكتب غزل .. واكتبك مرثيّه !
واعزي قلبي الطاهر ... واعزيني
انا وطعونك بصورة .. جماعيّه !
يصوّرها الشعر باحساس يرثيني
ملامحd غيبتك بالحرف .. ، مبنيّه !
على وجه القصيد المُر.. أقريني
تجرعت الألم .. يامسرفه ... بيّه !
على كثر الغياب اللي ... يعنّيني
على أربع جهاتك يـا ... شماليّه !
تبعت البوصلة يمكن .. الاقيني
بهت لون الحياه.. وشانت النيّه !
وكل الكون باسره طاح من عيني
واحس ان الحياه امست رماديّه !
لك اللہ مابقا به .. شي يغريني
اذا الميت وجب في موتته.. ديّـه !
ليا من مات حلمي ايش يحييني
خفوقٍ يسكن ضلوعي مهو ليّه !
ترا ماعاد في غيبتك ... يعنيني
جروحك تشبهك بالحيل ، نشميّه !
بها من طبعك اللي كان يغنيني
وحتى الجرح منِّك فيه .../ حنيّه !
ابي جرحٍ على هجرك ..يقسيني
تعبت اطرد سرابك وارتجي ريّه !
وانا ادري مستحيل انه بيرويني
تعبت آدور لـ شمس ،البطا فيّه !
انـا محتاج لگ عنها ، تذرينـي
تعالي اليوم كان فـ خاطرك جيّه !
ترى م اظمن لك فبكرى تلاقيني
شعر / عبدالرحمن جابر الرويلي
الديوان اربع جهاتك
al-d1.com