يمديني اسلى !
بواسطة : جاسر الرويلي
بتاريخ : 2015-05-19 03:44:42
اشتاق له .. واحتاج وصله .. و احاتيه !؟
و اذا سهيت .. و شفت زوله تضايقت !!
ابيه .. و احدً داخلي قال : مابيه !؟
واحترت في وضعي .. ولا كنّي اشتقت !؟
من ضيقتي ناديت له .. قال : وش فيه !؟
ضيّقتني من ضيقتك ؟ قلت : ما ضقت !!
الأغرب انّي بعد ما اقسى .. اناديه !؟
قلبي يبيه .. و عقلي يقول : ما فقت ؟!
احيان .. احسّ انّي احبّه و اداريه !؟
و احيان .. احسّ انّي بقلبي تصدّقت !!
واحيان .. ابي اقسى على الحُب واخفيه !؟
و احيان .. أقول انّي بحبّه توهّقت !!
ما ابيه يذكرني .. و انا كنت ناسيه !؟
و ما ابيه يتعلّق .. كثر ما تعلّقت !!
يمديني اسلى .. في حياتي و اخليه !؟
و يمديني انسى ما مضى لي مع الوقت !؟
الديوان يمديني اسلى !
al-d1.com