ليتني يمـّـه
بواسطة : فلاح السعد
بتاريخ : 2012-07-11 20:52:26
//ليتني يمه//
ليتني يمه أنا ذاك التراب
لأجل ابقى منك يايمه قريب
بعدك الدنيا ولاتسوى سراب
وضعي بعدك يابعد حيي صعيب
عقبك الدنيا مآسي وغتراب
اي قسم اني مثل حال الغريب
القمر ودع وقفى غاب غاب
وندهه عيّا يرد ولايجيب
ولاالومه ومافعل عين الصواب
كل نور من عقب وجهك يغيب
والورود اصبح بها حال اكتئاب
والجروح محضره عند الطبيب
وكل ضحكاتي تسولف بالذهاب
وكل مافيني بكى يشكي عطيب
من عذاب لياعذاب لياعذاب
ومن مشيب ليامشيب ليامشيب
المواجع اصبحت فيني شباب
والسعاده اصبحت شيبٍ رهيب
الفرح فتّش يبي منّي جواب
انفجع في صمت همساته نحيب
رب ياللي رحمتك من كل باب
ترحم امي يالطيف ويامجيب
ياالله انك تاقيه من هالعذاب
جعلها ماتلفي لأمر صعيب
ياالله انك ترحمه يوم الحساب
جعل وجهه مايجي صوب اللهيب
فلاح السعد
الديوان ليتني يمـّـه
al-d1.com