حلم المخده
بواسطة : عبدالله الجعيثن
بتاريخ : 2015-04-18 11:44:27
حلم المخده
لا صرت تغلي واحدن مادرا فيك
ولا درا به غير حلم المخدّه
والمشكله في كل يومن يلاقيك
عينه اذا مريت ..يمّك يلدّه
لا مظهرن حبّه .. ولا هو معاديك
وانت انتباهك طاغي الشوق شدّه
تموت لاشفته مع السوق ناصيك
وتموت اكثر .. لاتعدّاك ودّه
وان قلت له وشفيك .. قال انت وشفيك
يكسر مجاديف الغلا في مردّه
قلبه مهو يمّك .. ولا هوب يغليك
ضامي فؤادك .. جرّح البين سدّه
طفلن غرير ولاعرف ويش مشقيك
في قذلته ..مشغل اصابيع يدّه
وان طعتني لاصار ماقد درا فيك
لاتذكره في غير حلم المخدّه
الديوان حلم المخده
al-d1.com