مساء الخير ياروح المسا واجمل احاسيسه
مساء مايليق الا بهمسك يوم يطربني
مساء ينزع من الخافق المتعب هواجيسه
مساء يكتب اشواقك وحبر الشوق يكتبني
مساء يكتنز حبك يعطر بك نسانيسه
وهوينبض بشريان الهوى لك يوم ينبضني
عيون الليل حراس الهوى حتى عواسيسه
تراقب طلة النور يتجلا ويترقبني
امد كفوف غيمه واقدح الجزل ومقابيسه
واحلق خارج حدود المجره ويتجاذبني
لحون تطرب اسماعي على دقة مراويسه
كانها من صميم الشوق لاغنيت تعزفني
تناثر به مشاعرنا ولو حنا محابيسه
على وجه الفضا يرسم ملامح فيك تشبهني
زهوره اجمل فصوله مناخاته تضاريسه
مساحاته ونسماته اذاهبت تداعبني
دخيل الله كوابيس الفراق ومن مناحيسه
اذا هبت رياح الوصل على الله لا تجنبني
عقب ماحن رصيد الحب لا نصبح مفاليسه
دخيلك طعنة الفرقا اذا قفيت تذبحني