على وضح الشقا
بواسطة : فرج صباح
بتاريخ : 2012-06-04 22:41:30
ما سقاك الله عذر ولكنه سقا
…… من غدير الطيب قلبي وظلله شجره
كني اللي ما عطا غير فوق اللي هقا
…… وكني اللي مامنع غير حزنٍ وسهره
ياكثر حزنٍ نثرته ويا كثره بقا
…… في عيون الاي يعذرك وقلبه مااعذره
لو سألت القلب بالله مني وش لقا
…… يكفي انك صاحبٍ لو جرحني اشكره
ينحني للوقت قلبي على وضح الشقا
…… مثل غصنٍ ينحني بالحمام ويكسره
والله اني عاذر اللي على احساسي رقا
…… من زمانٍ كل طيب سخيف ومسخره
ياعظيمٍ ما ملك غير تسبيح وتقا
…… يابسيط يذبح القلب لو يوم نذره
من فراقك والليالي مع الجرح اصدقا
…… كنها ذنوب استتابت وعيني مغفره
الديوان على وضح الشقا
al-d1.com