جديل الليل
بواسطة : عبدالله الجعيثن
بتاريخ : 2015-04-18 11:22:50
جديل الليل
البارحه والسهر .. يرقص على جفوني
والليل .. يسرق حضوره من ملفاتي
ابيات شعري .. تداحم ..دونه ودوني
ودّه تبل الورق .. من مملكة ذاتي
يسراي فيها القلم .. والملهمه كوني
عشنا .. نمشّط .. جديل الليل لابياتي
يسري بي الهاجس المغرم من حصوني
لاطاب وقت القصيد .. وزانت اوقاتي
من دون خشم الرعيله .. تنظر عيوني
بيت (ن) ..عليه الحنايا .. تقبل وتاتي
ما آمـد يدّي عليه.. وتّــشّــر متوني
من دون وصله .. آهيم .. ولي تنهّــاتي
آخــاف ..عذال خلق الله يشــوفوني
وطهر العفــيفه .. يجي بلسان شمّاتي
ان غبت عنها .. ماغابت عن تلفوني
لاشّــح صوته .. رسايلها هي اصواتي
عذرا غرامه .. بوسط القلب مدفــوني
اعيش .. حالي شهدها .. بس بسكاتي
وان كان .. مجنون ليلى .. مات مجنوني
قصة جنونه .. حكايه .. من حكاياتي
الديوان جديل الليل
al-d1.com