نصيحة
بواسطة : عقاب المسردي
بتاريخ : 2015-04-16 07:46:40
اللي يقول الهم وازي به أشهور
ويشوف كل انسان حسب انطباعه
هذي نصيحة مخلصاً وسمع الشور
نصيحة بتنفعك يوم الشفاعه
رتّل كتاب الله إلى طلعت النور
من بعد ماتصلي الفجربالجماعه
وحافظ على فرضك وتعيش مسرور
واوصل بارحامك وخل عنك القطاعه
واغنم حياتك واعرف الوقت بيدور
والي مضى كنه مضى لك بساعه
واعرف تراك بتالي الوقت مقبور
ولاعاد في قبرك صلاتن وطاعه
واصبر على الدنيا ولو كنت معسور
وارضى بمقسومك وعيش ابقناعه
هذا علاجك ما انت محتاج دكتور
ويصير عندك من همومك مناعه
#_عقاب المسردي
الديوان نصيحة
al-d1.com