تخلف مواعيدك على غير عادتك
وأنا على جمر انتظارك أعـانـي
ادور لْـ عذرك ولـْ اسباب صدتك
جرحك أعـدّه من غلاتـك أمـاني
اعذرك وانتظرك ولا اشوف غلطتك
ولحظاتي الخرسا تعــد الثوانـي
ذبلت على كل الشبابيك وردتْك
بانت على وجه الحقيقه مَـعانـي
تقصر عن دروب المحبين مـدتك
يبست غصونك في مرابع جناني
وداعتك لـو حنّت بـْيـوم لحظتك
لا تقتل احساسك وتنكــر زمـانـي
وان مـرت الذكرى خيالك وردّتْك
للماضي اذكرني وصافح مكانـي
يمكن يبيح القلب فعلك وزلْـتك
ويمكن تعـود أغلاا السفن للموانـي
حنان آل فاضل