يامزيد
بواسطة : محمد العبيوي
بتاريخ : 2012-07-08 23:14:34
يامزيد لو تدري عن الوضع بالضبط
ماكان قلت الوقت كله سهالات
يااخوي دمٍ في عروقي تلخبط
يا بارتفاع الضغط يا بأنخفاضات
والعقل والله لو يقولون خبط
لاقول خبط لكن القلب مامات
لوكان قدمي ما اظن شخص يلبط
الحرص واجب والحياة امتحانات
تجارب قالوا تعلم وتخبط
واللي صحى بدري يحصل علاوات
اليا بغيت العز لابد تضبط
عاند هوى نفسٍ يسبب خسارات
ياعايش راقي ولاتعيش تهبط
ترقى الرجال بعزمها للطويلات
ولا الردي له رغبه النفس مربط
اضعيف مربوطٍ برغبات هفوات
طيار رحلة سفرتك حبل يهبط
فوق المدرج ماحصل اي غلطات
توصل بأمان الله سالم وتربط
حزام رحلة رجعتك بسلامات
وتعود سالم بالشهاده وتقبط
شخص عزيز ظافر بالشهادات
الديوان يامزيد
al-d1.com