تربيه و طيب
بواسطة : نايف بن خالد آل الشيخ
بتاريخ : 2015-04-10 16:14:12
يالله أنا راسي كسا شعره الشيب
في عز صغري شلت حمل الجبالي
دين(ن) تحملته ودونه مطاليب
ماهو بكيفي مير حكم الليالي
ديني شبابك حضنكي تربية و طيب
مع عمرك اللي راح وانتي قبالي
لو اقضي الدنيا برد المواجيب
خيرك كساني من قديم(ن) وتالي
تربيتكي مزن(ن) هطل يزرع الطيب
ديم(ن) سقا غصني و وثق حبالي
يادرسي اللي ما درسته فـ كتاتيب
يا يمه يا نهج التقا والمعالي
انتي ظلالي من الغثا و اللواهيب
وانتي دفاي آليا اعطب البرد حالي
يا تاج راسي يا ضمادي عن العيب
انتي هبوب الخير يا راس مالي
لاصرت جمبك و الله الموت ما هيب
يادرب جنة يا طريق العدالي
يا الله يلي تعلم الجاي بالغيب
يا قاسم ارزاق البشر يا متعالي
اجعل لها رزق(ن) يطول الشخانيب
يرقى على متن الطويلات عالي
الديوان تربيه و طيب
al-d1.com