يا ليل
بواسطة : نايف بن خالد آل الشيخ
بتاريخ : 2015-04-10 16:09:36
ياليل كن الهم فيني سحابه
شحت و قلبي مالقى من يراعيه
ياليل فيني الهم زايد عذابه
ودي أبوح بشي في القلب خافيه
هاك الصدر و اعزف بقوس الربابه
يا ليل هم(ن) يشبه أحوال راعيه
قلبي من احزانه تملل ثيابه
وده يشق الثوب و عيت مباديه
من يوم خلي راح و أبدى غيابه
يومه نسى في القلب ذكره و طاريه
من يومها عقلي مظيع صوابه
يتبع عواطف قلبه الي تجاريه
راحت وخلت قلب ظيع شبابه
و اصبح في حكم الحب بايعه ناسيه
ياليت قلبي من قديم(ن) خطا به
وياليت ما جاني و هلت مواريه
همي و فرحي في عيوني تشابه
ان جاني حييته و إذا راح ببكيه
في الليل ما به كود ريح وهبابه
و في القلب مابه كود هم ومشاريه
الديوان يا ليل
al-d1.com