بوصيك ياخويه وأنا اليوم بوصيك
وأبيك يا(هندي) تثبت وصاتي
آذان ربك لأسمعته بآ أذانيك
لب النداء لو كنت قرب المماتي
وأمي ترئ أمي من الخلق تغليك
خلك علئ بوس القدم لاتحاتي
فيها بساتين المحبه وتغنيك
عن حب غير إلي حليبه حلاتي
وإحذر من إلي في دروبه يناديك
ويقدمك في صائب النايباتي
يضحك بسنه في عيونك ويخفيك
سنون ضبع ن بالبلا كايداتي
وخلك من إلي في ذنوبه يباهيك
لابد مايندم علئ شي فاتي
وأهل المصالح لو تجيلك تسليك
بكره بعد فض المصالح تباتي
وإعرف عدوء ن من صحيب ن يماشيك
وإفطن عسا منهم تجيك النجاتي
والنبت لو يزهر نفل وسط آياديك
من ريحة الدخان مات النباتي
وريح الجمر والعود ريح ن يخليك
لو كنت ميت تلتزم ب الحياتي
يكسبك هيبه ف المجالس ويعطيك
مع وقفة الشجعان عز وثباتي
تذكر كلامي بعد ناس ن تعزيك
وناس ن تعزي نفسها في وفاتي
قلت البيوت إلي جزيله وأنا أبيك
تحفظ علئ رووس النوايف وصاتي
المهاء الحارثيه