قـم يانديـمـي
بواسطة : سلطان عتيق بن طواله
بتاريخ : 2015-03-15 10:40:42
قم يا نديمي فارقك راعي الذود
اليوم كـَرّ بْدون فـرّ وتحدي
ارْخ العنان ان كنت فعلاً ابا القود
الطيب ما هو كان ابويا وجدّي
من لا تحيزم للشقى عاش مضهود
تقضي حياته بين مابي وودّي
ومن لا كفر في شرع الأوهام مقرود
دام المهانه للسّعَد ما تِوَدّي
اعزم توكـّل ينفتح باب مسدود
وخذ ما تبي من دون جور وتعدّي
( غصب ٍ(ن) على الزعلان والخد ممدود )
دام الحيا بوجيههم ما يندّي
واحذر تطاوع كل شيـطان نمـرود
وعقب المعالي تنحدر للتردّي
الديوان قـم يانديـمـي
al-d1.com