عاشقة سجين
ياوجودي وجد من جارت عليها جايرات//جايرات الوضع الأقشر كرهنه حالها
هذي الحال وشقاها بالعنى متدليات//بيدر اكوام المشاكل هاويه تبرالها
عاشقة مسجون عاشت في أماني مقفيات//تنتظر رحمة إله بقسمته وإنزالها
ماتهنت في منامه والصعايب مركيات//والحزن ساكن ملامح زينها ينعالها
انتظاره بالسنين الوقعهن به هاويات//والله يعلم في حياته حالها وإنحالها
همها قام يتراكم والدموع الجاريات//وظعها حالة عدوك مايسر قبالها
والبلا ماهوبلاها هالمشاعر ساريات//حركتهن نشوة الحب وكربن حبالها
قام يرجف نبض قلبه خفته مسترخيات//جوف معشوق" تدلى بالغلا وأدلالها
الهواجس في حياته بالحبيب مجليات//نوب تسهى بإسم اخوها تخلفه من حالها
حبها بصدق وتعفف بشوفتين" مرويات//قلب مسكينه تهاوت بالغرام وصالها
مامشت درب الدناسه وبشموخ محليات//ماتعرف اللا عباته لبسته تزهالها
قسمته لازم تشوفه من جميع الزاويات//شي مكتوب" عليها وإنفرض بأحوالها
صوتها بح وتحلحل من ظروف" عاتيات//ماتهنت في مذاق وحالته يرثالها
حبها لإبن القرابه ماوصل للأمنيات//القريب الياخذاها سترها وغطالها
الخطا ماهو خطاها والنوايا صافيات//لكن الموقف قراده فجأة" هوجالها
الخبر دك الظماير والوقايع كاويات//وقعهن صار وتنحى قسمته وسجالها
الحبيب اللي تحبه جا يديه محنيات//شايل" جثت خويه قاتل وينعالها
بالخطا ماهو تعمد الوقايع وافيات//والمصيبه بالقظيه لاشهيد ولالها
قانصين للوناسه والله عالم بالنيات//والحقيقه عند ربك حقها وابطالها
وشهو ذنبه يوم دور بالعزاوي مرويات//وبلغ الجاني بسجن" محكمات قفالها
عاشقة مسجون طاحت في يدين" باليات//خلته تبقى ضحية دفعها حر مالها
بقلمي...زعال القزاع