عدّت الدنيا ..
بواسطة : حمـود العجمي
بتاريخ : 2015-03-14 12:48:51
جيتك اسال فـ الحنايا عن حناني
انت وينك ، ضايقه صدر الأماني !
وين رحتي باقي شويّ ، وأموت
ما قدرت أصبر عن عيونك ثواني !
إرحمي المشتاق .. خليني أعيش
يا حبيبه هالزمن ، ماهو زماني !
والمكان .. اللّي جلسنا به ليالي
صرت اعاني مثله ومثلي يعاني !
والحنين اللّي .. بقا بْـ لحظة لقانا
ضاق به ليله وضاقت هالمحاني !
صرت أشوفك بـ الاماكن والزوّايا ،
من رسم وجهك على وجيه المباني !
انتظر صدفه تْخلّيني ... أشوفك ،
وإنتظاري يشبهك قاسي واناني !
ضاع صوتي .. كلّ ما أفكّر وانا ،
صرت استطعم فْراقك في لساني !
انت وينك - يا حبيبي - إنت وينك ؟
عدّت الدنيا .. وانا واقف مكاني ،!
الديوان عدّت الدنيا ..
al-d1.com