صوت الإحساس
بواسطة : ديمه عبدالله
بتاريخ : 2015-03-13 18:53:05
قالوا عــلام الفكـــر شارد ومغبـــون
قلت الغلا ماعـــــاد بابه مشرّع
الوقت يسرق خنجره هم وشطون
واصبح شريط الحب وضعه مسرع
ما أسمع إلا صوت الإحساس مخنون
من كثر ماهـــو للبلايـــــا تجرّع
ماعاد في بطن الزمن شي مضمون
كل مـــا بغيت الوصل عني تورّع
صار الحزن جذعه متينن له غصون
وسط البوارح في حياتـي تفرّع
ياليــت قلبــي يشلع الضيــق بالهون
وياليــت الاقي من لعينـــي تهرع
عوص النضا شالت من الهم مطعون
اقفن و حلمه ب الصحاري تصرّع
ابكيه و ابكي شاعرن فيه مسجون
كل مـــا لفاه الليـــل قام وتضرع
فوضت امري للولي خالق الكون
اللــي ب أمره كـــل بـــاب ايتشرع
وحده طلبتــه مدة العطــف والعون
وحده يطمّـــن كـــل قلبــن تخرّع
ثوب الحكي غصبن علي صار مخبون
واسبال هرجي حالفن ما ايتسرّع
دام العرب تنقد على كل مفتـون
من هو بصبره والسطاره ايتبرع !!
ديمه عبدالله
الديوان صوت الإحساس
al-d1.com