صريح العباره
بواسطة : ديمه عبدالله
بتاريخ : 2015-03-13 18:16:52
لحـــدن يعاتبنــي ليا منـي اقفيت
النفس طابــــت في صريح العباره
شفت الجحود اللي من الناس وازريت
اصبر على ضيق النجم في مداره
تاره أقول إني ب هالطيب أخطيت
وكبرت حجم الناس تاره وتاره
لين انعمت عين الرجـا يوم حطيت
بعض الأوادم محزمي ب كل غآره
لقيت ناسن تدخـــل القلب والبيت
و وجيهها ي للأسف مستــعآره
تضحك بوجهك و البلا لا تعدّيت
كلـــن نزع وجه اللقا عن خماره
ماشوشوا راس العطا لا تعزويت
ولا جمّلوا وجه الوصل ب انتصاره
ماضامنـــي إلا رفيقـن له اقديت
وفتحت له صدر الوفآء من وقآره
سلمت له عهدي و أنا ما تهقويت
إلا على اللـي احسبه شيخ داره
يصب لي طيب الفعل لا تقهويت
ويركز بغاديد النقا في وجاره
واثر الهقاوي رايحه روحة الميت
يوم الوفا عاش الألم ب احتضاره
و ماخذت أنا غير الشقا والتناهيت
و احساس فايض بالأسى والمراره
حشمت شيبن ب الوفا وقلت ياليت
بعض البشر ترجع ترد اعتباره
عج النفوس الخايبه ثار وابطيت
ارقب مزون الطيب تغسل غباره
واثر الضحيه حضرتي يومني جيت
واقف على جسر الأمل ب انتظاره
بقفي وطيبي ذايع الذكر والصيت
وبين البرايا لي مقام ومناره
لحدن يعاتبنـي ليا مني اقفيت
هذي حلول العقل/ هذا قراره
وإن كان جاني بالصدف قلت حييت
لكن على وصلك بصلي استخاره
لاباس يا قلبي إذا أنته تعنّيت
ولاباس يانفسي طهور ومجاره
ديمه عبدالله
الديوان صريح العباره
al-d1.com