وجه الزمن
بواسطة : ديمه عبدالله
بتاريخ : 2015-03-12 14:55:06
نضحك
في وجه الزمن واحوالنا هزله
ماغيّر الفقر الأقشر من طبايعنا
نجلس
مابين العرب ما نرغب العزله
حتى لو إن الألم روّج بضايعنا
نبقى
على العاليه مانعرف النزله
حتى لو ان الزمن ماهو ب طايعنا
واللي نكث
صوف طبعه من بعد غزله
يومن ضحك له زمانه صار بايعنا
ماهو
بكفو البشر ب الضيق تعنزله
والا الرخا ياكبر صدره وسايعنا
ورث
الذهب ما يفيد اللحيه الرزله
قد قالها شاعرن ينهج شرايعنا
من
جالنا ب الردا ب الطيب نعتزله
ماغرنا لو يذوق الموت جايعنا
واللي
يبي الهافيه حنا نبي الجزله
اللي عليها البشر تمدح روايعنا
ديمه عبدالله
الديوان وجه الزمن
al-d1.com