حفرة الـمـوت

بواسطة : عبدالعزيز الرشيد
بتاريخ : 2015-03-07 03:36:24

يـالله  عجّلني  على  حفرة  الـمـوت
                      ضنك الـمعيشة  ما ترك  بي بقايا
الصوت مـاينفع ولا يسمع الصوت
                      و الصمت  ما به  يا  إلٰهي  حلايا
عـايش على الدنيا و كأني بتابوت
                      الظاهر من  العيـن  عِشر  الخفايا
أسرح خلاوي  لكن  القلب  مكبوت
                      واطي على جمر الهموم بـ حـفايا
وجه الفرح شاحب وله حظ منحوت
                      لو إبتسم شاف الحزن بـ الـمـرايا
أشرب قهر و  إلا الغبينه لي  القوت
                      هذي غـداي  و ذيك  تكفي عشايا
كأن الأمل ممقوت والضحك ممقوت
                      ما أسرع أمانيّي لحوض الـمنايا
للمفرح أفتح باب  و الـمحزن يفوت
                      و اللي لحقني داه ما أمكن دوايا
وقتٍ رماني في  غياهب بطن حوت
                      و  العوم  ما ينفع  ولا  بـه مـزايـا
صار الأمل  معقود و اليأس مفلوت
                      و أحلام  عمري للـمواجع  سبايا

الديوان حفرة الـمـوت
al-d1.com