مسكين يا غصن ما عادت طيورك تجي
والريح تعصف بك وبرد الشتاء مقتفيك
أروح يا ناحت أوراقك وأجيك أرتجي
المح طيورك وانا قلبي حزن يكتويك
كنت اول ان زادت همومي عليك التجي
القى بظلك ملاذي وان تعبت ارتميك
واليوم يا كبر حسراتي ويا ملهجي
كن الهموم بذراء شمسك تبيني / تبيك !!
كنت آتجمل بصبٍر كان لي منهجي
يا غصن تصبر ولكن مين يصبر عليك ؟
يامبهج الصبح بعيوني ويا مبهجي
لـ /أورقت واخضر فيّ الكون واخضر فيك !
ماشفتني يا وحيد الشوق يامزعجي
ياليتني كنت وبل البارق اللي يجيك