الـعـيـن غضّت لكن القلب شافك
أميّزك لـو جيت مـن بـاب مجهول
معجب و زاد بي العجب بإحترافك
أصل الذكاء بالصمت وأحيان بالقول
تخافني ؟ معذور و إعـذر أخافـك
جريء لكن .. ثوب الأخلاق مسدول
أفهم خـفـايـا جيّتك و إلـتـفافـك
أعرف قياس العرض وأضربه بالطول
و رغم التغابي عاجز إنّي أعافك
منك أستـلـذ اللي كرهته و مقبول
شفني أنتظر حائك و بائك و كافك
و أنت إتّراجع كل ما جيت بـ تقول
وش تنتظر ؟ ما حان وقت إعترافك
إلـى متى بـاب الـتـصاريـح مقفول
غصن إنتظاري .. لا يموت بـجفافك
تـراك في مـوتـه ليا مـات مسؤول