يسأل رفيق الغـربه اش فيك محـتاس
وش جاك مغتث ضايـق الصدر قلّي
قلت الهواء من شرق ويطق بالراس
و تحوم قدم العين رسمات خلّــــــي
المغترب قلبه رقـــيق ٍ و حسّاس
و انا ابدوي فارقت بيتـــــي و بلّي
عشرين عام ولا تهــنّيت بانعاس
قدام عيني سِـرْب عمري يـولّي
ملّيت أعِل القلب في قول لاباس !!
باكر تهون و شمسنا تب تهلِّي
باكر تصيرأيّامنا فرح واعـراس
باكر ألآقي نصفي و آعيش كلّي
غيري أخذ معه الحزن جوله وداس
و انا الحزن لي ذيب يعوي ف تلّي
أوّآه يا وقت ٍ بك عطور دوغــلاس
اغلى من المسك الثمـين المــحلّي !!
والله لو هالحظ به ذرّة احســــاس
ما كان حزني مرافقن مثل ظلّي
والله لو يعطوني قصور و المـاس
ما اعاود الكرّه بغـربه تعلّـي
يا ليتني ف بحر الرديين غطّاس
او كان بي طبع الجفى و التخلّي
يمكن قنعت ف همّي و ذبلة الياس
و لا زعلت بشوف دمعي يـذلّي
يا الله وش هالدّار وش هذي الناس
مكاين ٍ بس للعمل ما تملّي
و المشكله مأحد ٍ بنا يا عرب حاس
فرقى الاهل ماهـي بلعب وتسلّي
تاجر و اهزّ السوق و احس الافلاس
لا الارض هي ارضي ولا الفل فلّي
يا عيون خبّي دمعـتك عن الانجاس
وارضي بكل اللّي لقيت وحصل لي
و يا قلب لا تحزن ما طاح لك كاس
نجمك بعين اهلك تراه امتعلِّي
باكر تصير أيّامنا فـرح واعراس
باكر ألآقي نصفي و آعيش كلّي