يابحر دامك وسيع البال والخاطر
ابشتكي لك من الهجران ما جـانـي
وش قلت اجلس على شاطيك واتسامر
واعزف على جال موجك خافي الحاني
جيتك بقول ان قلبي بالشقا عامر
وانا اشهد اني من اللي صابني عاني
ماعاد فيني اطيق جرح وآكابر
كل ما دفنت المحبة عوَّدت ثاني
احفر وادفّن كدر ما عدْت له صابر
والارض ما تقبل الا جثّه الفاني
يابحر شالحل دامك عارف وخابر
باللي جنا فرحتي وخلاني الجاني
ليته مشى قبل حبي مشية العابر
وقف دقيقه وناظر لي وخلاني
كان اكتفيت بوداع بوصفة الشاعر
( شفته ووقّف حقرني ثم عدّاني)
ياشين حظي ووقتي الميت الغابر
اللي جعلني عشقته ثم تناساني
مل البحر من كلامي قال: يا ساهر
تبيني امحي غرامك,,؟( غيّر اوطاني)
وعندي امر مستحيل ..:وقلت له آمر
:خل الملوحه توادعني وتجفاني
ضحكت واقفيت عنّه ضايق الخاطر
وغنيت ياسي وحزني باول اللحاني
مهــدي الدالـي...