وشلون بعت اللي يحبك ويغليك
وشلون قلبك طاوعك في فراقه
ماتدري انه كل مامر طاريك
تفتح له الاحزان بالقلب طاقة
يشفق على شوفك ولمسة اياديك
وفي غير صوتك ماله اليوم فاقه
وان كان بعدك ياهوى الروح ينسيك
قلبه على لاماك زاد اشتياقه
من بد خلق الله له حاجةٍ فيك
ماوده تقطع حبال العلاقة
وماوده عيونه من الفقد تبكيك
الفقد مر وآه ما اصعب مذاقة
وشلون تنسى كلمته يوم يوصيك
يوم القدر في دربك العام ساقه
كم قالك قلبي ملكته ويكفيك
ولاغيرك اللي فالمخاليق شاقة
عبدالرحيم معاوض السلمي