يامل قلبٍ
بواسطة : عبدالرحمن جابر الرويلي
بتاريخ : 2015-02-24 02:09:11
يامل قلبٍ يشيل...... هموم
لاضاق صدري .... اغنيها !
والعين لامن جفاها.. النوم
اسرق من الصبر واعطيها !
راح وتركلي .. جزيل حلوم
تكحل ...جفوني .. وتكويها !
ومن حلم ليلي لو ان ..آقوم
تشعل طيوفه ... حراويها !
والروح لو موتها ،،، محتوم
من قبل لاتموت .....ابرثيها !
سبة وليفن هنا ... محشوم
والنفس ..لاماه ..... يحييها!
حبه بكبد الغلا ... .موشوم
وعروق.. قلبي .. جرى فيها!
الناس كوم.. .. وغلاه بكوم
ومن عقبه .. الناس مابيها!
ذكراه امرٍ غدا .. محسوم
اصبح عليها ..... وامسيها !
باسم الهوى كم تطيح عزوم
لو ...هي نبيلة ... مباديها!
اعظامي امست بليا هدوم
ماغير هالجلد .... كاسيها!
والعاشق اللي غدا ..محكوم
يرضخ على حكم قاضيها!
جرح النصيب وتوالي سلوم
طهر النوايا ..... تضحيها !
مثلي مثل من نوى ..للصوم
عقب الفجر كيف.. ينويها !
حرٍ بعالي سماه .... يحوم
باسم الفشق طاح... واطيها !
فلاني عن دموعي بمعصوم
وعوج .....الحنايا ... ابسقيها !
بحكم القدر مايفيد... اللوم
ونفسي..... عسا الله يهديها !
شعر/ عبدالرحمن جابر الرويلي
الديوان يامل قلبٍ
al-d1.com