حرق الحروف
بواسطة : أميرة القاف
بتاريخ : 2015-02-23 16:39:47
للوقت عنوان وانا كنت عنوانه
واليوم تغيرت وجهت عناويني
مابين حرق الحروف وقفل بيبانه
ومابين هاك اللحون اللي تسليني
من هو طلب للمعالي عاليٍ شانه
يالله عن سكة الغاوين تكفيني
اجمع الشعر حرف وفن وميانه
وابعثره بس كيدٍ في عدويني
لاني احب القصيد وطق قفانه
وأقول هذا قصيدي هو مسليني
اما انت ياللي نقدت القاف وأوزانه
هرجك ترى والله انه ماهو يعنيني
امشي على شف بالي كني الدانه
مادام روقٍ هلي وبرقا نظر عيني
هذا هو العز ولا العز سلطانه
في ظل منهو كسب طيب الوفيني
ابوي من يكسب النوماس برسانه
غصبٍ عليكم يا اهل قصر الذراعيني
أميرة القاف
الديوان حرق الحروف
al-d1.com