طــاغـور عـلـمـنا عــلـى فــن الإبــداع
وأهــدى لـنـا بـالـفلسفة كــل قـصيده
وهــذب شـعـور الــذات بـاع ٍ ورى بـاع
وأصـلـح شـعـوب ٍ بـالـمشاعر زهـيـده
وشـيّـد حـضـارة راقـيـة مـصدر إشـعاع
واخـتـار صــوت الـحـق أصـدق نـشيده
وحـنـا نـسـابق بـالـزمن صـوت الاقـلاع
ونـبـكي عـلـى أمـجاد الـزمان الـتليده
مـانـنشد الـواقع عـن الـحق وإن ضـاع
مـــن زادنـــا نــقـص إن تــردى نـزيـده
نـقـلب ثـوابـت وقـتـنا حـتـى لــو طـاع
ونـكـتب مـثـل مـبـطي ونـرغي نـعيده
وإن كــان صــوت الـحق مـن قـوته ذاع
رد الــصـدى نــفـس الأمــانـي بـعـيده
واللي سمى بإحساسنا فجوج ٍ وساع
تــكـالـبـت دون الــحــيـاة الــسـعـيـده
نـطـلب مــن الـواقع ومـن دون الإقـناع
شــيء ٍ بـنـى مـجـد الأمــم مـانـريده
والـلـي جـهـل فــن الـتـعامل والإمـتاع
بـالـمـختصر تـهـمـشيه أكـبـر حـصـيده
كـانت صـدور الناس مرحب هلا الساع
وتــكـاثـرت قــولــة هــلابــك جــديــده
سـهـلـة نــرد الـصـاع ونـقـول بـالـصاع
وصـعـبة نـقـول الـحـق ونـبطي نـجيده
تــغـيـرت حــتــى مـفـاهـيم الأوضـــاع
وتـحـلـلـت وجــــه الــحـيـاة الـعـتـيـده
تـغـريـبة الـدنـيـا كـــذا صـعـبـة أطـبـاع
والأصــعـب إن الــوقـت مــحـدٍ يـعـيـده
____________________________________