إعذر الأقدام
بواسطة : مها التركي
بتاريخ : 2015-02-21 15:33:37
من رحلت وصاحبك ضاقت عليه
المدينة والمـواني والقصـور
ظلمك آخر شي قلبي يحتريه
لين رحت ومابعد هالجور جور
الشوارع شاحبه فيها الوجيه
كنّها مــامرت بـ لحظة سرور
المسا اللي كفن الشمس بيديه
شرّد النور ورماها خلف سور
كل خطوة درب صارت ترتجيه:
إعـذر الأقـدام لو أبدت قصـور
مايضيق الصدر وآسمك يهتديه
يتنــاسل من عطـر طاريك نور
و يبتسم لك كـل بال تمـر فيه
ينولد به حـلم وانغام و شعـور
لو تجي ماضل شيٍ بـ ارتجيه
وكل جرح بغيبتك يصبح طهور .
الديوان إعذر الأقدام
al-d1.com