سهم الهوى لو هو تعدّا ولا صاب
ما كان لي في نظم الأبيات رحله
رحلة ذهابٍ في خيالي لها أسباب
ما أكذب عليك إن قلت بأسباب نحله
منها العسل فـي قلب محبوبها ذاب
طفح بـهـا و السمّ منها طفح لـه
لسعة ألـم و أوّاهـ من لسع الأحباب
مـا بـه طبيبٍ هـالألـم يـنشرح لـه
راحت ثمان سنيـن و الجرح ما طاب
ثمان راحت و أرض الأحلام محله
لـو قلت : هـذي علّتي كشّروا نـاب
و أخاف لا أعمي شي من باب كحله
لذا لزمت الصمت و أغلقت أنا الباب
عن ريح شمت أحـدٍ لسانه سمح لـه
مـا دام لي في نـايد الصمت مرقاب
مالي و مال البوح و البوح بحله