أيا ليل السهر كافي تعبت وزادت احمولي
يكفيني مع انجومك اتيه بهالعمر رحال
وحيد بدنيتي لكن ياكثر الناس من حولي
وانا ادري فيك ماهمك بحالي لو عنايا طال
احاول انهض بجسمي ولكن طحت من طولي
انا حتى المتن فيني من افعولك احسه مال
اطالع فالمرايه صدمتي ماشفت انا زولي
كأنه ما بقالي شوف والا هالنظر محتال
اكلم نفسي بنفسي ومحدن سامع ٍ قولي
ومن شدة الم صمتي جرا دمعي كما الشلال
ادور في ظلامك درب لكن تعبت ارجولي
انا تاهت بي الخطوه صفيت بدنتي رحال
اعايش واقعي كذبه وعذالي يعدولي
بقايا مابقا من عمر ويدّي مقيده بحبال
ولكن رغم كبر الجرح ابقى ناطر اوصولي
انا مثل السمك صعبه تغرقني مياه الجال