فنجال الغلا
بواسطة : ظلال الوايلية
بتاريخ : 2015-02-14 05:04:38
تقهويني فناجيلك غلا ومارد لك فنجال
لك الله لو تمر سنين ماهزيت فنجالك
احبك كثر ماتحب الطيور لقصة الترحال
وكثر ماتعودت نفسي على بعدك وترحالك
احبك كثر ماغصن القصايد لجل عينك مال
وكثر ماتطرب حروفي اذا مريت في بالك
ينام الشوق في حضن الخفوق ويحتريك البال
على درب العروق اللي سلكته انت بالحالك
غرامك مابقى منه سوى ورده وقطعة شال
يموت الورد بس اسمك بشالي ينطر وصالك
قضى عمري وانا نفسي سجينه في غرام اطفال
تمنيتك سكن عمري وانا اللي احمل اطفالك
ولكن مرت سنيني وحلمي في لقاك اغتال
ولا باقي سوى شعري نقشته فوق تمثالك
ومات الصبح في لون الغروب وكل حزني جال
بنفس ٍ دوم تدعي لك عسى فال السعد فالك
الديوان فنجال الغلا
al-d1.com