قصة غرام
بواسطة : عبدالله السويدي
بتاريخ : 2015-02-09 20:23:29
قصة غرامٍ عشتها تسعة شهور
مع واحدٍ صغت الثمينات لرضاه
صبيت له شعرٍ به احساس وشعور
تناقلته الناس من طيب معناه
واصبحت شاعر بين هالناس مشهور
من بعد شطحات القصيد المعناه
ضحيت من شانه بالاشياء بالدور
وقفيتها شيٍ علا الله مشكاه
كله لجل عينه وانا حيل مسرور
ابغاه لامنه ذكر قال لباه
اللي علا شاني وطى صالي الجور
يستاهل الترحيب والحب يزهاه
غروٍ معي ماخالف الراي والشور
ياعلها كل المزايين تفداه
مفتون في حبي وانا فيه مسحور
ولا فيه يومٍ قد تمنيت فرقاه
لايق عليه الغنج والأصل منعور
متفردٍ بين البني ماله اشباه
سكبة فخامة طلته تشبه النور
لامن تسلل بعد ما اليل غطاه
قفى وانا قفيت والقلب مقهور
من سبة اللي كلنا مابغيناه
والا الغلا مايلحقه مني قصور
في ذمتي بموت وانا اتمناه
عبدالله شعيفان السويدي السبيعي
الديوان قصة غرام
al-d1.com