ذكرا اليالي
بواسطة : عبدالله السويدي
بتاريخ : 2015-02-09 15:00:31
البارحه يومه طرى ماطرالي
النوم عيا لا يطبق جفوني
عادت بي الذكرى لوقتن مضالي
من بعد مالديت في تيليفوني
ذكرت حلو ايامنا والليالي
مع واحدٍ بالكون يسوى عيوني
والله مايكفيه لو قلت غالي
وماغير حبه من يهيض شجوني
كنت ابني امالي يربي عيالي
وضاع الامل والحظ في دون دوني
قفت به الايام وآسمّ حالي
اضحك واخبّي وسط جوفي غبوني
وانعى زماني ليه هو ماصفالي
وش ذنب قلبي يوم يشك الطعوني
ووش ذنب عيني تشتكي ماجرالي
لها السهر دايم رفيقٍ يموني
ووش ذنب روحي تحترق لأتصالي
حكم الزمن ماصان منهو يصوني
وش عاد والا ليش واهملالي
ماعاد تنفع دام خابت ضنوني
ماعاد باقي كود ذكرى الليالي
وشيء بقى في ذاكرة تلفوني
عبدالله بن شعيفان السويدي السبيعي
الديوان ذكرا اليالي
al-d1.com