من دلّك عليه
بواسطة : مها التركي
بتاريخ : 2015-02-09 14:24:50
ماعطيتك حب مير الله عطاك
قلب يشبه لك ولو مالك شبيه
رحت مثل الطير مغرور بسماك
كل شبر بهالفضا ودك تجيه
وانسكب في سكة الغيَّاب ماك
ماحسبت حساب وردٍ يحتريه
ماتنفّس بالفراق إلا جفاك
ولا انخنق به كود أرواح ووجيه
انتشى بي صمت يتفقد مداك
مد صوتي للفنى واهداه تيه
من ندهت وطاح في سمعي نداك
لين تممت الوعد من دون ليه
لين رحت ومابقى بي الا صداك
وشي يشبه للوصل شح بيديه
من مدح لك هالغياب اللي خذاك
من هداك البعد من دلّك عليه
مها التركي
الديوان من دلّك عليه
al-d1.com