إنسكب له ياغلا -
إنسكب له ياغلا روحي وهنّه
بس الأول ضمني داخل عيونه
واحد قربه من الإحساس جنّه
احتواني لين جنني جنونه
مغرق قلبي بحبه واستَكنّه
من غلاته داخل عروقي سكونه
ما طلبت من الليالي شي لانّه
جاد به حظي ودعوات الحنونه
باطلق جزال القصيد بكل فنّه
وآصل حدود الغمام ووسع كونه
شرّد آبياتي تسَابَق مستجنّه
كلهم فدوه عشان يطرزونه
حبنا طاهر ولافي الحب منّه
من بياض قلوبنا اللي تخبرونه
يابروق الشعر للرعاد حنّه
استهلي لين ترواني غصونه
وازرعيه بداخل آعماقي لانّه
جذر ثابت والجذر لو ينزعونه
مات قلبي من كثر خيبات ضنّه
وإيش آبي والعمر مايسوى بدونه؟!
#شواهق_نجد