مسائي ليه مايشبه مساءاتك
وليه الشوق عانق خاطري بسكات
وكيف الصدق ماغيّر قناعاتك ؟
تعبت اصدق شربت الصدق لك لوعات
رميت الجرح في اخر محطاتك
وقفت وانتظاري كان لك ساعات
نحتّ اسمك على بابي ولحظاتك
أسميها بكتابي اجمل اللحظات
نثرت الورد في أقصى مساحاتك
وسقاهاخافقي نزفي من الحسرات
اجافي عالمك واشفق لنظراتك
وارد وفي عيوني للوفا نظرات
تدورني وادوّر عذر نياتك
اجمّل حاضري وتجمّل اللي فات
قطاري مر من بيبانك وفاتك
وترى مافات في شرع المعزة مات
وانا اللي ماحسبت حساب طعناتك
ولي قلبٍ عجز يستوعب الطعنات
أمانة كان زرتك بأجمل أوقاتك
تبّسم واغفر ذنوبك على الغيبات...