نجمة وفايه في سما حبك تلوح
وأنته سماء حبك تهافت نجومه
في وسط قلبي بانين حبك صروح
وأنته صروح الحب فيك مهدومه
جفاك رمح ومن سبايبه مجروح
ورمحي أنا في حب غيرك سهومه
ياما سهرت الليل وأصيح وأنوح
والجفن من حبك مجافيه نومه
واليوم خذ كلمه من الروح للروح
دام الوفاء ماعاد تصفي غيومه
روح فمان الله وأقول مسموح
يامرحبا حي الفراق وقدومه
حتى لو إن الدمع بالخد مسفوح
حبٍ بدون إخلاص ما أكثر همومه
سنين في حبك ولاشفت مصلوح
واليوم في مافات قلبي ألومه