وليد والفارسيه في لوس انجلوس
بواسطة : نافع بن طواله
بتاريخ : 2012-07-01 01:52:03
كلمات/ نافع بن طواله
ولـيـد علِّمْـنِـي عـســى مـابــك خـــلاف
ويـــن الـــذي مـتـضـوّرٍ مـيــتٍ جــــوع
سم باسمه اللي بأمره النون والكـاف
يطيـب لـيـل البـعـد لــو كـنـت مـوجـوع
مـد اليميـن اقـلـط عـلـى غـيـر مـكـلاف
مبحـر بعينـك يـا عسـى منـت مفجـوع
وليـد شايـف شــي ماعـمـره انـشـاف
قــررت اشـوفـه لـكـن القـلـب بـــه روع
شفت القمـر طالـع علـى راس ميهـاف
سبـحـان ربٍ مــا خـلــق مثـلـهـا نـــوع
ماشفتها بـ"قروف" يـوم ان الأطيـاف
تسـرح وكـل طيـفٍ مـن الزيـن متبـوع
بـ"سبكتـروم" مالـه مثيـلٍ بـالاوصـاف
غــزال فــارس والـحـلا فـيـه مـجـمـوع
الصـدر راهـي والبطـن فيـه اجـحـاف
والعنق زاهـي والوِجَـنْ شعلـة شمـوع
من شفتها حسّبت درسي والاسـراف
ياليتنـي بطهـران دارس لـي اسـبـوع
شطحت وعيوني تبي وصف الأرداف
يامـار صـوتٍ يقـطـع الفـكـر مسـمـوع
وليـد يندهنـي: عـسـى مـابـك خــلاف
ويـــن الـــذي مـتـضـورٍ مـيــتٍ جــــوع
قروف = سوق في لوس أنجلوس
اسبكتروم= سوق في ايرفاين
الديوان وليد والفارسيه في لوس انجلوس
al-d1.com