وا تسبدي اللي مـن الهجران منفطره
وا عيني اللي من الأحزان ما جفّت
وا روحي اللي من المحبوب منشطره
وا كفّي اللي عن الأبيات ما إنكفّت
اقرأ قديم الرسايل و أرجع لـ عطره
و أصدّ و أخاف لا يدرون و أتلفّت
عطشان أدوّر ما بين أشياءها القطره
و أحـاول أشـعل شموعٍ بإيدها طفّت
ذي حالتي وإدري إن الحال ذي خطره
لكن ماأقدر جيوش الشوق قـد صفّت
و يا عاذل القلب تـوّه ما قضىٰ وطـره
عـروسة أفـراح قلبي تـوّ ما إنزفّت
ما زلت أخايل غيومه و أرتجي مطره
و أرقب سنين العمر قدّام وش خفّت