وحدك مع الله
بواسطة :
بتاريخ : 2015-01-08 02:22:52
إياك نعبدْ ولك نلجا وبك نستعين
=يالاول الآخر الظاهر وياذو الجلال
ياللي تقلّب قلوب الناس بين اصبعين
= وقبْل يرتد طرف ابدلت حالٍ بحال
اليوم شاع الخبر وافرح فؤاد الحزين
= واهتزت (جبال ممنا) تحْت فعل الرجال
اللهُ أكبر.....عدد ماكبّر المسلمين
=واللهُ أكبر....عدد شمس الزمن والظلال
واللهُ أكبر...عدد ماابحر خيال الفطين
=واللهُ أكبر.....عدد شيٍ يفوق الخيال
سلام ياشيخ مديت النظر واليمين
=للعفو والصفح واخجلت الندم والمحال
سلام ياراس يكره زُمرة المهطعين
=يشوم ماهو من اهل البهرجة والجدال
سلام ياعين تبصر زود ع المبصرين
= بالحكمه اللي على ارض الله تحط الرحال
سلام ياساق يمشي للسلام المبين
= راح ( وتنازل ) ولكنه ( صعٓد) واستطال
في عالي المنزلة محال مالك وزين
= ياشيخنا العاجزه دونك حروف المقال
اغروك بالمال وانت المستهاب الرزين
=رفضت رمي العمايم واحتقرت الريال
طمعْت في رحمة العدْل الغفور المتين
=في يوم كشط السما..في يوم نسف الجبال
هدمت صرح الغضب فوق الخنوس اللعين
= واشعلت مصباح نور وطاب مسرى الليال
نحو السما تتّجه لك بالدعا راحتين
=يوم انّك احييت نفس وطاب فعلك وطال
وحدك معْ الله ولا حسّوا بك العالمين
=نحرت كبش العفو قدّام وقت الزوال
اعليت شان الكرم في كل موقع وحين
=في ذمتي ذمه انك صرت مضرب مثال
وانك تعلّيت وانك ثالث الفرقدين
=بالمٓدّه اللي عجز عنها رجال و رجال
(يابوحسن ) يا الكريم وياطويل اليدين
=ماهي غريبه على مثلك (جميل) الخصال
من ماضي العهْد مشكورين ومجملّين
=اسم ومسمى ودين ومرجله واعتدال
الله يوفّيك الاجر بيوم كنّه سنين
=في يوم لا ينفع اولاد ومناصب ومال .
الديوان وحدك مع الله
al-d1.com