راس العبيوي
بواسطة : محمد العبيوي
بتاريخ : 2012-06-29 19:06:31
وداعي كيف يـ غالي احزنك
ووعدتني كالطير نبقا و شجرته
لو طار يسرح لا سرا جاك يزبنك
لولا ظروفه بعش قلبك سمرته
لكن نسيت الوعد وجاني الهجر منك
و طيرك جناحه في بعادك كسرته
وحتا القصيد اللي بقلبي حكا عنك
تقول لا تزعل ترا ما ذكرته
يا الهاجر العذّال سمُّوا مضامنك
لو كنت لي وافي حكاهم قصرته
لون الوفا لوني ومكثر تلاونك
حبك حيا فيني وحبي قبرته
واراقب اخبارك من بعيد والنك
ان شفته اونلاين بشوقي غمرته
وان جتلي انسام الصبا بعد مرنك
لو اقدر اكتم عطرها ما زفرته
هذا حكاية انتهت والبلا لنك
غشيتني بإحساس كذبٍ ضمرته
اللي مضا قفا وانا الحين بطعنك
يا طاعني كاذب شعورك نحرته
خذها بصاف القلب مني تنصنك
بوضح النقا ما هو دسيسٍ حفرته
واسمع حروفٍ تاصلك ويتعدنك
ازرع وفا وارجي بعدها ثمرته
لكن لا صار الحصاد بتشيطنك
اطق شيطانك وبحرق ديرته
ابك الكرامه دونها ما نداهنك
راس العبيوي لا ارتفع ما نظرته
الكذب و اطباع الخيانه بمعدنك
والود تمثيلٍ بخبثك مكرته
باليورو ابدل احاسيس الفرنك
واقرب الحالي ومرّك دفرته
رح كني أشوفك ببعدي محازنك
شبت وتذكر ماضي حبي وشكرته
الديوان راس العبيوي
al-d1.com