بدون !
بواسطة : عساف التومي
بتاريخ : 2014-06-26 07:37:25
على طاري الحزن والليل والغربه
عسى عمرك طويل وبيرقك عالي
عرفتن !! إيه أنا اللي تاه بك دربه
بنصف اللامكان، الموحش، الخالي
أمر الناس طرقي خاوي القربة
عيونٍ ينحدر شوفه ويرقالي
يدز لساني الكلمة ويشعر به
جسد هذا الحيا عن عين عذالي
واقفي.. كن لي شيٍ مبشر به
بك آلامي تزيد وتنقص آمالي
معي للعيد دمعة والفرح سربه
وانا: سمل الحزن لبسته اطفالي
بدووون.. وعظمهم هالبرد ينخربه
من البالي هنا للي على بالي
فداك ان مت فيك او عشت في كربه
عن المخنوق. واللي مالقا والي
معه ماني بدون.. وكل ماأظفربه
بعث صوتي قصيد ومر بأطلالي
الديوان بدون !
al-d1.com