وين العرب!؟ أو مدعين العروبه
بواسطة : نافع بن طواله
بتاريخ : 2012-05-26 11:11:37
وين العرب؟ او مدعين العروبه
……وين الرجال اللي تفتل بالاشناب
ماعاد فيها غير ناسٍ طروبه
……والدم سايح منهو للثار طلّاب
الشام راحت والعيون معصوبه
……واللي يشوف الحق خايف ومرتاب
تاريخنا في كل قطرٍ حكوا به
……وحنّا ولن نذكر على صفحة كتاب
الكلب ينهش والعفاف مغصوبه
……ولاعاد به غيره ولاعاد به ناب
متى الجهاد وهذي ابسط ذنوبه
……نحر الرضيع ودم الاطفال ينساب
متى الجهاد اللي علينا وجوبه
……مابه جهاد ان ماتكفي هالاسباب
من دون ربي مالنا عز نوبه
……ينعاف عزٍ فيه ذلٍ للاجناب
الروس ماهي رب نرجي هبوبه
……والعمر واحد ياعسى العمر ماطاب
يالله توبه نرجي الروس ... توبه
……من يرجي الله قد رجا العز وهاب
الديوان وين العرب!؟ أو مدعين العروبه
al-d1.com