اذرفي يا نون بعيون القصيد
....... انثري كلك على جفن الورق
في عميق الفكر والحرف الفريد
....... اكسري صمت المشاعر والارق
اتحفيهم من قديمك والجديد
....... اسكبي حبرك ولا تخشي غرق
وش بقالك غير ترديد النشيد
....... وش بقابك لا تقولي ما فرق
لو شعورك ينصهر منه الحديد
....... غير قلبك ما حدن فيه احترق
لو يموت الحرف يبقابك وليد
....... لو تغذا حزن دهرك ما شرق
الحكي ضايع وعمره ما يفيد
....... ما رتوينا بدون همالٍ برق
اذرفي يا نون ما حولك بليد
....... اروي احساس القصايد والورق