جيت قبل الموادع ساقني لك حنين
.......... اتأمل ملامح صورتك في عجل
فوق وجهي ابتسامه ذوبتها السنين
.......... في ضلوعي مواجع وبحروفي خجل
في فصول الحكاية ضاع عمرٍ ثمين
.......... بين كذب وحقيقه غصت بحر الدجل
لو سألت الليالي بالحكي تستهين
.......... قالت احساس شاعر ينتشي يرتجل
لا تغرك لحونه لو تبين حزين
.......... علمته الشدايد كيف نظم الزجل
والله إن المآسي تنقرا بالجبين
.......... لو أخبي دقايق ثار قلبٍ وجل
للمقادير عزفٍ بالحنايا رنين
.......... ليتها من طربها رقصتنا حجل
ما بقى من حسايف والصوادف تشين
.......... رحلةٍ نبتديها يقتنصها الأجل
ذي دروب النهاية ذي بقايا انين
.......... تنقرا في سكوتي في عيونٍ نجل