ذاب وجه الصبّح باوراق امنياتي
والعيون اللي ضحكتلّي شفتها تبكي عليّه
والحظوظ اللي عصتني ضيعت اربع جهاتي
وضاع عمري باوله وطاحت الدمعة نديه
وين ابرحل كيف ابهرب من شتاتي
شابت عزومي وخابت عقب ما كانت فتيه
وحيرتي زادت همومي كنها تعلن وفاتي
بين دمعات العيون وبين ضحكات المنيه
ضاع حلم العمر في واقع سباتي
لا رضيت اتبع همومي ولا قدرت ارفع يديّه
( الليالي لطخت بالهم صفحة ذكرياتي
لونتها بالغروب وسافرت والشمس حيّه )
بيدها تطعن خفوقي وقالت اصبر لا تحاتي
دنيتك هذي بلاها شوفها دنيا رديه
/ أيمن المطلق /