لذيذ النوم

بواسطة : نبض الحيارى
بتاريخ : 2014-03-26 22:13:37

لذيذ النوم عن عيني تعذر   

.....  علامه نوم عيني ما يبيني

ما يكفي قلبي بحزنه تكدر   

.....  ما يكفي ضيم روحي يعتريني

بعيد الشف بدروبي تعثر   

.....  ذبل ورد المناوي في يديني

يا ليت اسج عن دنياي واقدر   

.....  اعجل عقرب اللحظات فيني 

عيون الليل والنجمات تسهر   

.....   وانا وحدي يسليني حنيني

ظروف الوقت والحقران يقهر   

.....  وانا من طيحوا قدري بعيني

على الذكرى مراكب شوق تبحر   

.....  وسط موجٍ تحدر من جبيني

لقيت الصمت شريانٍ تفجر   

.....  في لحظه ضعف يستنزف كنيني

لذيذ النوم بعيوني تخثر   

.....  لزوم تسد لي لو بعض ديني